മഴ പെയ്തിട്ടും,
മണ്ണാകെ നനഞ്ഞിട്ടും,
മനസ്സൊട്ടു തണുത്തില്ല!
കനൽ കെട്ടിട്ടും,
കരിമ്പുക തുപ്പീട്ടും,
കനവുകൾ കറുത്തില്ല!
വാക്കുകൾ തെറ്റീട്ടും,
വാതിലുകൾ അടഞ്ഞിട്ടും,
വാസ്തവം വിശ്വസിച്ചില്ല!
ഇഷ്ടങ്ങൾ നഷ്ടമായിട്ടും,
ഇടനെഞ്ചു തകർന്നിട്ടും,
ഇനിയില്ലെന്നു പറഞ്ഞില്ല!
പൊയ്മുഖം കാട്ടീട്ടും,
പൊളി പറഞ്ഞിട്ടും,
പൊരുതുവാൻ തുനിഞ്ഞില്ല!
ഇങ്ങനെ മൊഴിഞ്ഞിട്ടും,
ഇത്രമേൽ ആയിട്ടും,
ഇഷ്ടാ, നിന്നോടിടിഷ്ടം കുറഞ്ഞില്ല!
No comments:
Post a Comment